Shkup, 12 tetor - Një gjobë deri më 500 euro për shpejtësi të palejuar në Maqedoni, parashikon ligji i ri i lëvizjes në vend. Gjoba të mëdha parashikohen edhe për shoferët, të cilët flasin në celular, duke e ngarë automobilin, ose janë pa rrip sigurimi.

Një gjobë prej 500 eurosh dhe revokimi i licencës së shoferit për një periudhë prej 6 deri më 12 muajsh është parashikuar për shkelësit e ligjit në vendbanimet, ku kufizimi i shpejtësisë është 50 km. Gjoba të njëjta janë parashikuar edhe për shkelësit në magjistral, ku shpejtësia është kufizuar për 130 km në orë.

Rripet e sigurimit janë të detyrueshme edhe për ndenjëset e pasme. Në rast shkeljeje gjoba është 50 euro. 300 euro do të jetë gjoba për kalimin me dritë të kuqe për shoferët, kurse për kalimtarët ligji parashikon një gjobë prej 50 eurosh.