Berlin, 24 gusht - Gjermania pret që deri në fund të vitit të regjistrohet shkalla më e ulët e papunësisë në shtet që nga viti 1992, falë rritjes së madhe ekonomike.

Ekspertët parashikojnë se Gjermania deri në fund të vitit do të ketë 3.2 milionë të papunësuar, që është për 250.000 më pak se në krahasim me periudhën e njëjtë të vitit të kaluar.

Sipas të dhënave statistikore, numri i të papunëve në Gjermani gjatë pesë viteve të fundit është zvogëluar për rreth 1.6 milionë persona.