Berlin, 12 nëntor - Shefi i bankës qendrore në Gjermani ka përshëndetur hologramin e ri, që do të vendoset në bankënotën prej 20 eurosh, si “një arritje të madhe në teknologjinë e bankënotave”, në luftën kundër falsifikimit.

Nën dritë, bankënota ka të gdhendur në të dyja anët, pamjen e hyjneshës mitologjike, Europa.

Shefi i Bundesbankut, Carl-Ludwig Thiele, tha më 12 nëntor se falsifikuesit do të dështojnë bindshëm, nëse përpiqen ta falsifikojnë bankënotën.

Bankënota e re do të vihet në qarkullim më 25 nëntor, kurse ato të deritashmet do të vazhdojnë të mbeten të ligjshme, derisa në heqjen graduale nga qarkullimi.

Bankënota prej 20 eurosh ka qenë forma më e falsifikuar në botë të parave në letër gjatë gjysmës së parë të vitit 2015.