Berlin, 23 prill - Agjencia Federale e Punës (BA) sheh në lëvizjen e lirë brenda BE për punonjësit nga Evropa Lindore një injeksion rritjeje për ekonominë gjermane.

Anëtarë i kryesisë së BA, Heinrich Alt tha se forca të reja, mobile dhe të kualifikuara pune si p.sh. nga Polonia, Çekia dhe Hungaria sjellin për një ekonomi në përparim si ajo gjermane një fitim të vërtetë.

Me këtë deklaratë ai kundërshtoi frikën për një valë të pakontrolluar emigrimi në Gjermani pas datës 1 maj, kur Gjermania heq barrierat për punonjësit e vendeve të Lindjes të BE.

Komisioni Evropian pret që deri 100.000 vetë të emigrojnë pas hapjes së tregut të punës në Gjermani.