Moskë, 22 korrik - Për të nxitur rritjen e shëndetshme të ekonomisë globale, në takimin dyditor të vendeve të G20-s, ministrat e Financave të vendeve anëtare të këtij grupi u zotuan për shkëmbimin e informacioneve në rang ndërkombëtar me qëllim verifikimin e rasteve të shmangies së taksave.

Ministrat e Financave të G20-s ranë dakord për të mbështetur planet për të frenuar evazionin fiskal.

Në deklaratën për shtyp të lëshuar pas takimit thuhet se sfidat më të mëdha janë nxitja e punësimit, rimëkëmbja ekonomike dhe zvogëlimi i fragmentarizimit të tregut global.

Liderët pjesëmarrës i bënë thirrje Europës që të përshpejtojë reformën bankare. Në të njëjtën kohë, ata thaksuan se politika monetare duhet të mbrojë stabilitetin e çmimeve dhe të përkrahë rimëkëmbjen e ekonomisë.

Takimi i G20-s nisi punimet më 19 korrik, në Moskë.