Prishtinë, 30 janar - Instituti Hidrometeorologjik i Kosovës, ka njoftuar se sot mbi vendin tonë ka mbajtur mot  i vranët dhe me intervale kohore me diell. Temperatura më e ulët u shenua -4 gradë kurse më e larta e ditës ka arritur në 7 gradë celsius.

Shtypja atmosferike është luhatur nga 94mb në 943 milibar, lagështia relative e ajrit në mëngjes ishte 94% gjate dites ka zbritur në 66%, dukshmeria horizontale nga 0.5 km në 15 km. Ka fryer erë nga jugu dhe juglindja  me shpejtesi 1m/s deri 6 m/s

Parashikimi i motit për nesër dhe për ditët në vijim

Sipas gjendjes sinoptike dhe elementeve meteorologjike të regjistruara në rrjetin meteorologjik të Kosovës, vendi ynë do të ndikohet  nga fushat anticiklonike të cilat nuk do të jenë stabile me tendencë të kalimit të kësaj gjendje në ciklon. Kjo situatë do të kushtëzoj një mot me vranësira të ç’rregullta, të cilat mundë të sjellin edhe riga të dobëta.

Dita e premte dhe vikendi priten të jenë me reshje shiu të përzier edhe me borë, sidomos në viset malore. Temperatura më e ulët do të lahaten nga -4C në -2C, nërsa më të lartat e ditës nga 3 në 4 gradë celsius. Do të fryej erë nga lindja dhe juglindja.