Paris, 27 prill - Edhe Franca, rezulton një nga vendet me papunësinë më të madhe në eurozonë, pasi të dhënat e muajit të kaluar treguan rritje të konsiderueshme.

Tashmë, janë rreth 3.2 milionë të papunë në Francë, 11.5 për qind më shumë se vitin e kaluar.

Niveli në fjalë është më i larti që kur nisën të mbahen të dhënat për papunësinë, në janar 1996.

Duke folur gjatë një vizite që po zhvillon në Kinë, presidenti francez, Fransua Hollond tha se prioritet i Qeverisë së tij është të vendosë nën kontroll rritjen e papunësisë.

Shifrat flasin gjithashtu për problemet e rënda që përndjekin ekonominë  e eurozonës, pasi më herët edhe Spanja raportoi për papunësi rekord në mes të recesionit.