Paris, 16 mars - Ministrja franceze e ekonomisë, Christine Lagarde ka kritikuar politikën ekonomike të Gjermanisë.

"Volumi i madh tregtar gjerman rrezikon aftësinë konkurruese të shteteve të tjera të Eurozonës", tha Lagarde në gazetën "Financial Times".

Prandaj RFGJ duhet të forcojë në rradhë të parë kërkesën në vend. Sipas gazetës gjermane "Bild", kritika e ministres mbështetet nga shtetet ekonomikisht më të dobëta të BE-së.

Ata akuzojnë Gjermaninë se duke qenë e orientuar nga eksporti shënon arritje në kurriz të shteteve të tjera të Eurozonës.

"Bild" i referohet një raporti për situatën të përfaqësisë së përhershme gjermane pranë BE.