Bruksel, 6 tetor - Fondi Monetar Ndërkombëtar (FMN) paralajmëroi të mërkurën se nuk përjashtonte një recesion në nivel botëror në vitin 2012, përballë një tkurrjeje të mundshme të aktivitetit ekonomik.

“Ne vazhdojmë të parashikojmë një rritje për vitin 2012, edhe pse tepër modeste, por aktiviteti ekonomik mund të pësojë tkurrje. Pra, rreziku i një recesioni nuk përjashtohet”, pranoi Antonio Borges, drejtori për Europën në FMN gjatë një konference shtypi në Bruksel.