FMN kërkon kompletimin e bordit të OSHP-së
Temë e takimit ishte procesi i zgjedhjes së dy anëtarëve të rinj të Bordit të Organit Shqyrtues të Prokurimit (OSHP), si dhe amendamentimi dhe plotësim-ndryshimi i Ligjit për Prokurimin Publik.
Ruud Vermeulen potencoi se rëndësia e veprimit të shpejtë në përmbushjen e këtyre dy obligimeve qëndron në faktin se prej tyre varet vazhdimi i financimit të programeve zhvillimore në Kosovë nga ana e FMN-së.
Nga ana e tij, kryetari Veseli theksoi se Kuvendi i Kosovës, në asnjë rrethanë nuk do të paraqes asnjë lloj pengese në realizimin e obligimeve të tij, sidomos të atyre që kanë të bëjnë më zhvillimin ekonomik të vendit.
“Jo vetëm këto dy çështje, por gjëja më e mirë do të ishte që e gjithë agjenda e Kuvendit të jetë e fokusuar në sfidat ekonomike, sepse agjenda ekonomike është ajo që sot më se shumti u intereson qytetarëve të Kosovës”, theksoi kryetari Veseli.
