Athinë, 31 tetor - Disa ditë nga verdikti i autoritetit evropian të mbikëqyrjes bankare, Fondi Monetar Ndërkombëtar kërkoi një rikapitalizim të plotë të bankave greke dhe të ndryshimeve në qeverisjen e tyre.

“Një rikapitalizim i plotë i sektorit bankar në Greqi që përfshin masat ambicioze në sektorin financiar për riforcimin e qeverisjes së bankave dhe për analizimin e kredive të dyshimta është thelbësor për rikthimin e besimit”, deklaroi zëdhënësi i FMN-së, Gerry Rice.

Autoriteti evropian i mbikëqyrjes bankare do të publikojë të shtunën rezultatet e auditit të katër bankave greke të gjykuara në vështirësi financiare (Banka Kombëtare e Greqisë, Eurobank, Alpha Bank dhe Banka e Pirreut) duke përcaktuar shumat e nevojshme për shpëtimin e tyre.