Athinë, 19 shtator - Fondi Monetar Ndërkombëtar (FMN) “shqyrton variantin për dërgimin e kredive shtesë Greqisë në rast se paraqitet rrezik nga bankroti i detyruesve të saj”, publikoi sot gazeta “Uolstrit xhurnal Jurop”.

Në muajin maj Komisioni Evropian, Banka Qendrore Evropiane dhe FMN-ja i dërguan Greqisë program kreditor urgjent me vlerë të përgjithshme prej 110 miliardë eurosh, që mos të lejohet falimentim i buxhetit shtetëror të anëtares së eurozonës.

“Kreditë e ndara Greqisë nuk paraqesin pengesë për kontrata shtesë me FMN-në, pasi pas tre viteve skadoi afati i linjës kreditore aktuale”, thekson FMN-ja.

Ky është sinjali i parë i qartë se organizatat ndërkombëtare kreditore, “nuk do të lejojnë bankrotimin e Greqisë, nëse Athina nuk arrin ta kthejë besimin e tregut kreditues”, komenton “Uolstrit xhurnal Jurop”.

Në të njëjtën kohë, ekspertët e FMN-së konsiderojnë se Greqia do të mund të kthehet në tregun e kapitalit privat kreditues si shfrytëzues normal i kredisë që në vitin 2011.