Athinë, 23 maj - Fondi Monetar Ndërkombëtar (FMN) konfirmoi të enjten që në fund të këtij muaji do të japë një fond ndihme prej 3.5 miliardë eurosh për Greqinë.

Kjo shumë është një pjesë e paketës së dytë të ndihmës që është premtuar për vendet më të prekura nga kriza e borxheve në Eurozonë.

Sipas planit të mëparshëm, FMN-ja duhej t\'i jepte Athinës 1.7 miliardë euro fonde ndihme, por dhënia u shty për shkak se Greqia nuk arriti të zbatonte masat shtrënguese financiare të kërkuara.