Romë, 18 prill - Sipas "Raportit të parashikimit të ekonomisë botërore" të publikuar të martën nga Fondi Monetar Ndërkombëtar (FMN), sivjet gjendja e ekonomisë italiane nuk është optimiste.

GDP-ja e vendit pritet të ulet me 1.5 për qind në krahasim me vitin e kaluar, teksa rritja parashikohet të rikthehet në vitin 2014, me 0.5 për qind.

Në raport vihet në dukje se sivjet niveli i papunësisë në Itali do të rritet në 12 për qind, nga 10.6 për qind që ishte vjet.

FMN-ja është e mendimit se masat e reformës së tanishme në Itali janë të drejta, por paqëndrueshmëria politike në vend do të ndikojë në një të ardhme afatshkurtër në mëkëmbjen ekonomike.

Raporti i FMN-së thekson gjithashtu se përqindja e papunësisë në Eurozonë gjatë këtij viti dhe vitit të ardhshëm do të arrijë në 12.3 për qind.