Londër, 27 prill - Evropa ka nevojë që të miratojë reforma thelbësore për të stimuluar rritjen ekonomike, u shpreh dje në Londër numri dy i Fondit Monetar Ndërkombëtar (FMN), David Lipton.

\"Qeveritë dhe institucionet e eurozonës kanë ndërmarrë masa të rëndësishme\", deklaroi Lipton në një konferencë shtypi në Londër.

\"Por Evropa duhet të miratojë reforma thelbësore për stimulimin e rritjes ekonomike dhe për krijimin e vendeve të punës\", theksoi ai.

Numri dy i FMN-së i bëri thirrje politikanëve evropianë që të vepronin për të përforcuar rritjen ekonomike.