Washington, 16 dhjetor - Shefja e Fondit Monetar Ndërkombëtar, Christine Lagarde tha se pikëpamja e ekonomisë botërore është e zymtë dhe se nevojiten veprime nga të gjitha shtetet për ta përmirësuar gjendjen, duke filluar nga vendet evropiane, që po ballafaqohen me borxhet.

Duke folur në Washington, në Departamentin e Shtetit, shefja e FMN-së paralajmëroi se nëse problemet nuk trajtohen me vendosmëri, ekonomia globale mund të ballafaqohet me rreziqet që çuan botën drejt Depresionit të Madh të vitit 1930.

Ajo tha se nuk ka asnjë ekonomi në botë që do të mund të krijonte imunitet ndaj krizës.