Paris, 19 korrik - Agjencia ndërkombëtare e vlerësimit “Fitch” uli rejtingun afatgjatë të bankave më të mëdha të Francës - “Credit Agricole”, “Societe Generale”, “Groupe BPCE”, “Dexia” dhe “Dexia Credit Local” - deri në \"A\" nga \"A+\", njoftohet në shërbimin për shtyp të Agjencisë.

Këto veprime pasuan uljen e vlerësimit të Francës më 12 korrik, si rezultat i parashikimeve të reja për borxhin kombëtar, rritjes së papunësisë, ritmeve të ngadalta të ripërtëritjes së ekonomisë dhe rënies së PBB-së në vitin 2013.