Prishtinë, 30 maj - Festivali tashmë i vetmi tradicional i Birrës “Beerfest Kosova”, përkrahur nga Kuvendi Komunal i Prishtinës vjen për herë të katërt në Prishtinë me shumë befasi.

Për dallim nga vitet e kaluara këtë herë Festivali është zgjeruar dhe planifikohet të zgjasë 5 dite.

Sipas organizatorëve risi tjetër e mirëpritur nga qytetarët është se këtë vit Festivali organizohet në SHESHIN “ZAHIR PAJAZITI” me datat 18 deri me 22 qershor.

Sheshi Zahir Pajaziti  do te transformohet per se bukuri si kur me pare per te krijuar nje ngjarje madheshtore dhe do të jetë i hapur dhe pa pagesë hyrje për të gjithë. Por, të drejtë për shijimin e birrave që janë me çmime promovuese do të kenë vetëm personat me mbi 18 vjet.

“Ketë vit ana artistike e këtij Festivali është pasuruar me artistë jo vetëm nga Kosova por edhe më gjërë. Do të ketë program shumë të pasur, ku do të performojnë artistët më të mirë nga Kosova , Shqipëria, Maqedoni, Turqia, Evropa, Jamaica dhe Brazili, tregojnë  organziatorët.

Bendet potenciale që do të përformojnë gjatë këtyre 5 ditëve të festivalit do të jenë këngëtarë, bende dhe DJ të dëshmuar të zhanreve të ndryshme prej Reggae, Rock, Pop, Turbo-Rock dhe Popullore. Po ashtu do të ketë edhe humor “stand up comedy”.

Per here te pare vjen nga Brazili Percussionist i njohur Jamaican ish anëtar i bendit  te Bob Marley - The Wailers CLAUDIO PEPPE, pastaj  Reggae bendi i famshem rajonal CONQUERING LION , Hippy bend  LIGHT IN BABYLON  nga Turqia, Pas shume kohesh performojnë live ne skenë edhe grupi i mirenjohur MINATORI,  njekohesisht grupi ODA, LATINO BEND, ME T\'NJOFSHEM, SEED, THE FRAMES, MUSIC CLUB. Gjithashtu do të ketë shumë DJ si: JAMES - Positive Gold, GAMBLE, MYSTIC F, SABBTON, WHITE CHOCOLATE, SAMURAI SWORD  dhe DJ të tjerë lokal.
 
Përveç muzikës, “Beerfest Kosova 4” do të përfshije lloje të ndryshme të birrave, ku secili vizitorë do të ketë rastin t’i shijoje këto birra me çmime promovuese. Për më tepër, ky festival ka edhe Këndin e Ushqimit, ideja e të cilit është që vizitorët të kenë mundësinë që birrat t’i shoqërojnë  edhe me ndonjë lloj të ushqimit të shpejtë.

Beerfest Kosova 4, është ai lloj i festivalit i cili nuk përjashton race, nacionalitet apo gjini, gjë e cila vërehet në llojllojshmërinë e artisteve. Përveç muzikës, birrave dhe ushqimit, vizitoret do të kenë rastin të jenë pjesë e lojërave të ndryshme, të cilat ndihmojnë në realizimin e atmosferës festive dhe verore.

Ky festival ka për qellim që të kënaqë qytetarët e Prishtinës, si dhe të vendeve tjera 5 dite radhazi. Vizitoret do të kenë rastin të njoftohen me atmosfera të ndryshme si rrjedhoje e llojllojshmërisë së artisteve dhe aktiviteteve të ndryshme.  

Me shumë informata rreth agjendës së Beerfest dhe aktiviteteve të cilat do të organizohen ato dite, do te jepen ne ditët në vazhdim përmes mjeteve promovuese të ndryshme online dhe offline.

Kompania MODUS organizatore e këtij evenimenti është një kompani e cila vepron dhe bënë organizimin e ngjarjeve, festivaleve, eventeve nga më të ndryshme me kualitet profesional dhe kujdes të madh.