Mitrovicë, 14 tetor - Në prag të Festës së Fitër Bajramit, Ndërmarrja NewCo Ferronikeli, vizitoi disa familje në rajon të Drenasit, ku bëri shpërndarjen e 60  pakove me ushqim, ndërkaq  Këshillit të Bashkësisë Islame i dhuroi një automjet për nevojat e tyre.

Ndër familjet që u vizituan me këtë rast ishin edhe familjet Krasniqi nga fshati Terrstenik të Komunës së Drenasit,  të cilët jetojnë në kushte të mjerueshme ekonomike dhe për të cilët NewCo Ferronikeli vazhdimisht përkujdeset me ndihma të herë pas hershme.

Zonja e shtëpisë nga familja Krasniqi, falënderoi NewCo Ferronikelin që në prag të festës së Kurban Bajramit u hapi derën për vizitë familjes së saj dhe me këtë sadopak i gëzoi fëmijët dhe i bëri që edhe ata të ndjejnë festën.

Ndërkaq zyrtari për informim i NewCo Ferronikelit, z. Shpëtim Ukaj, gjatë vizitave në këto familje duke ju uruar atyre Festën e Kurban Bajramit ai poashtu në emër të NewCo Ferronikelit u shpreh se kompania do të vazhdoje ti ndihmoj ata edhe në të ardhmen.

“Kompania vazhdimisht ka ndihmuar familjet me gjendje të rëndë ekonomike dhe shpresojmë që kjo ndihmë do të vazhdojë edhe në të ardhmen” tha z. Ukaj.

Ndër personat që prisnin në radhë për marrjen e ndihmave ishte edhe znj. Hamide Leka nënë e 3 fëmijëve nga fshati Baincë, Komuna e Drenasit, e cila përshkruan një gjendje të mjerueshme ekonomike në familjen e saj.

“Nuk di dhe nuk kam fjalë qysh me ju falënderua për ketë ndihmese, nuk di ndryshe qysh me ju tregu në cfarë gjendje jetoj veç po ju tregoj që mbramë as bukë nuk kom pas me ju dhanë fëmijëve e lere më tjetër, zoti ju ndihmoftë juve” ishin fjalët prekëse të znj. Leka.

Shpërndarja e këtyre ndihmave edhe këtë here është bërë përmes Qendrës “Islamic Relief” , te cilët kane mundësuar përzgjedhjen e familjeve me kushte të rënda ekonomike dhe me këtë rast koordinatorja e kësaj Qendre, Azemine Kukaj - Kajoshi, e cila asistoi gjatë shpërndarjes falënderoi NewCo Ferronikelin për mbështetjen e vazhdueshme që po u bënë kësaj kategorie.

“Është mjaft e vështirë që të përzgjidhen familjet për ndihmesë në ketë rajon ngase është ndër rajonet më të prekura dhe ka shumë familje të cilat kanë nevojë për ndihmë sociale por e falënderojmë NewCo Ferronikelin qe vazhdimisht po na mbështet që sadopak ta zbusim këtë gjendje veçanërisht për festa”, tha koordinatorja Kukaj-Kaloshi.

Gjithashtu për nder të kësaj Feste NewCo Ferronikeli i ka dhuruar edhe një automjet Këshillit të Bashkësisë Islame të Drenasit, në mënyrë që t’u mundësoj atyre të zhvillojnë aktivitetet bamirëse te keshillit.