Prishtinë, 3 korrik - Në  takimin e  fundit rreth planifikimin të buxhetit  komunal  për vitet 2015-2017 është  biseduar se si mund të përkrahet gjinia femërore  në realizmin e projekteve të ndryshme.

Përfaqësueset  e disa organizatave kanë kërkuar që buxheti për  përkrahjen e femrës në shoqëri të jetë shumë më i lartë në të ardhmen, sepse sipas tyre, kjo do të fuqizonte rolin e gruas në vendimmarrje, por edhe në  pjesëmarrjen e saj në shumë fusha të tjera, e sidomos në biznesin privat.

Drejtori I Financave dhe Zhvillimit Ekonomik në Komunën e Mitrovicës,  Nysret Maxhera, theksoi se  dëgjimet buxhetore  organizohen me qëllim të evidentimit të kërkesave dhe problemeve të caktuara, në mënyrë që këto kërkesa të jenë pjesë e planifikimit buxhetor për vitet e  ardhshme.

“Ju kemi fituar sot që nga ju të dimë se me çfarë sfidash përballet gjinia femërore, në mënyrë që  mbështetjen buxhetore ta orientojmë në  fushat më prioritare”, tha ai.