Bruksel, 15 nëntor - Ekonomia e Eurozonës njohu një rritje prej vetëm 0,1% në periudhën korrik-shtator të 2013-s, një reduktim nga 0,3% i tremujorit të mëparshëm.

Një javë më parë, Banka Qëndrore Europiane reduktoi normën bazë të interesit në 0,25%, për të stimuluar kreditimin dhe më shumë likuiditet në treg.

Në vitin e ardhshëm, rritja pritet të përshpejtohet në 1,1% për vendet që përdorin monedhën euro, ndërsa në 2015-n parashikohet të shkojë në 1,7%.

Ndonëse niveli i borxhit në BE është i ngjashëm me atë të dy prej ekonomive të tjera më të mëdha botërore, si SHBA dhe Japonia, mungesa e rritjes ka imponuar shkurtime dhe e ka shndërruar çështjen e borxhit në politike.