Bruksel, 29 janar - Sipas Bankës Qendrore Europiane (BQE), huatë për sektorin privat kanë rënë vit pas viti me 0.7%, raporton agjencia e lajmeve “CCTV”.

Huatë për firmat jo-financiare ranë me 22 miliardë euro në dhjetor, tre herë më shumë sesa në nëntor. Ndërkaq, huatë për ekonomitë familjare u zvogëluan me 3 miliardë euro.

Fondet që BQE-ja injektoi përmes sistemit monetar nuk kanë arritur ende shtëpitë dhe bizneset.

Banka ka frenuar disi krizën e eurozonës duke njoftuar një program të ri për blerjen e bonove.

Megjithatë, ekonomia e bllokut mbetet e dobët dhe pritet të jetë zvogëluar në muajt e fundit të vitit 2012.