Athinë, 3 dhjetor - Eurozona filloi sot rikapitalizimin e sistemit bankar grek, nëpërmjet shpalljes së dhënies së 2,72 miliardë eurove për Bankën e Pireut, sipas një komunikate të Mekanizmit Evropian të Stabilitetit (MES).

“Përforcimi i stabilitetit për sektorin bankar ishte një objektivë kryesore i planit të tretë ndihmës për Greqinë”, deklaroi Klaus Regling, kreu i MES-së, fondi mbështetës i eurozonës i krijuar në vitin 2012 për t’i dhënë ndihmë financiare vendeve anëtare që përballen apo rrezikojnë të përballen me probleme të mëdha financimi.

“Bankat e shëndetshme do të mund t’i japin sërish hua ndërmarrjeve greke dhe të mbështesin rimëkëmbjen ekonomike”, shtoi ai.

Iparashikuar në marrëveshjen e huas prej 86 miliardë eurove e nënshkruar mes Athinës dhe kreditorëve të saj në korrik, rikapitalizimi i bankave do të prekë Bankën Kombëtare Greke (NBG), Apha, Eurobank dhe Bankën e Pireut.