Eurogrupi shtyn vendimin për këstin e radhës për Greqinë
Liderët europianë të financave dështuan edhe kësaj radhe për të gjetur një zgjidhje për çështjen e qëndrueshmërisë së borxhit grek.
Pas 12 orësh bisedimesh në Bruksel, ministrat e financave të Bashkimit Evropian kanë dështuar në arritjen e një marrëveshjeje dhe kanë paralajmëruar se do të takohen sërish të hënën e ardhshme.
Dallimet mbesin te çështja se si të menaxhohet më mirë borxhi i Greqisë.
Ministrat e 17 vendeve anëtare të eurozonës e mbështesin idenë e dhënies edhe të dy vjetëve shtesë për Greqinë, deri në vitin 2022, për ta sjellë borxhin e saj në 120 përqind të bruto produktit të brendshëm. Kjo përqindje konsiderohet e menaxhueshme.
Sido që të jetë, FMN-ja, kreditori i Greqisë, është duke rezistuar lidhur me këtë zgjatje të afatit.
Shuma tjetër e kredive të Greqisë e arrinë vlerën e 57 milionë dollarave. Kjo shumë i duhet Athinës për ta shmangur falimentimin.
Kreu i Eurogrupit Juncker Jean-Claude tha se Greqia ka përmbushur parakushtet, por ka nevojë për përpunim të mëtejshëm teknik e të dhënave për të vendosur mbi disbursimin e këstit.
Juncker tha se Eurogroup mirëpret marrëveshjen mbi e trojkës me qeverinë greke por duhet më shumë siguri në fushat e konsolidimit fiskal të reformave strukturore, privatizimit dhe stabilizimit të sektorit financiar.
I pyetur nëse ai është i zhgënjyer që nuk u arrit marrëveshje, kreu i Eurogrupit u përgjigj se në Europë nuk kanë asnjë iluzion.” Sipas Junker nuk ka qenë e mundur të arrijnë një marrëveshje, sepse Gjermania, Holanda dhe Finlanda dështuan për të gjetur një kompromis me FMN-në, në lidhje me qëndrueshmërinë e borxhit grek.
“Ka pasur progres, por duhet të ketë një pak më shumë”, tha Christine Lagarde shefja e FMN-së.
Fondi Monetar Ndërkombëtar dhe Eurozona janë në kundërshti përsa i përket kohës që i duhet dhënë Athinës të zbatojë reformat e kursimit, me FMN që këmbëngul të mos jepen edhe dy vitet shtesë të kërkuara.
