Romë, 16 shkurt - Dy prej ekonomive më të mëdha në Europë, kanë hyrë në recesion, bëjnë të ditur të dhënat me të fundit ekonomike.

Ekonomitë e Italisë dhe Hollandës, kanë pësuar rënie me 0.7 % në tremujorin e kateërt të vitit të kaluar.

Gjermania shënon tremujorin e parë negativ që prej 2009-ës, me një rënie prej 0.2 %, krahasuar me tremujorin e kaluar.

Por në Francë ka një suprizë rritje prej 2.2% në fund të vitit të kaluar, dhe kjo i atribuohet rritjes së eksporteve.

Të 17 vendet e Eurozonës kanë parë një tkurrje të ekonomisë me 0.3% në tremujorin e katërt, por në krahasim me SHBA-në raportojnë rritje me 0.7%.

Në 2011, ekonomia franceze ka pësuar një rritje prej 1.7% dhe Gjermania 3%. Shifrat e rritjes së ekonomisë franceze janë më teë mira se sa parashikimet.

“Tre komponentët kryesorë të ekonomisë, tregu i huaj, prodhimi i brendshëm dhe investimet, kanë patur një kontribut pozitiv në tremujorin e fundit të 2011”, është shprehur ministri francez i Financave Fransua Barua. Ekonomistët thonë se nga këto të dhëna, Franca përbën suprizë.

Kriza e borxheve në Europë ka shtyrë Greqinë, Portugalinë dhe Belgjikën në recesion.