Pekin, 24 nëntor - Një anketim për sektorin e prodhimit industrial në Kinë tregon se ekonomia e dytë më e madhe e botës mund të kenë hyrë në rrugën e ngadalësimit.

Kompania e shërbimeve financiare globale HSBC tha sot se indeksi fillestar i  blerjeve në Kinë tregon se aktiviteti i prodhimit industrial atje ra në nivelin më të ulët në 32 muaj.

Ekonomistët e kompanisë HSBC thonë se të dhënat tregojnë se prodhimi industrial në Kinë mund të ngadalësohet më tej muajt e ardhshëm, gjë që mund ta detyrojë qeverinë kineze të marrë masa shtesë.