New York, 18 shkurt - Qeveria e Japonisë, vendosi që të rrisë fondet buxhetore që iu jepen si hua bankave në mënyrë që pastaj të mund t’u japin më tepër kredi qytetarëve dhe ndërmarrjeve.

Masa e re e parave për këtë qëllim arrin shumën 220 miliardë dollarë. Ndërkaq, në Kinë, duket se ekonominë asgjë nuk e ndalon.

Banka Botërore e shtoi parashikimin për rritjen ekonomike të ekonomisë kineze për këtë vit, prej 9 në 9.5 për qind.

Nga ana tjetër e botës, Banka Qendrore e Shteteve të Bashkuara të Amerikës bëri sot të ditur se edhe më tej normat referente të interesit mbeten në nivelin më të ulët, përkatësisht nga zero deri më 0.25 për qind.