Prishtinë, 14 janar - Fondi i Kursimeve Pensionale të Kosovës (FKPK), përmes një komunikate për media, ka konfirmuar se përfaqësuesi i deritanishëm i punëdhënësve në Bordin Udhëheqës të FKPK-së, Ejup Qerimi, ka dhënë dorëheqje nga të gjitha detyrat, përgjegjësitë dhe obligimet që lidhen me pozitën e anëtarit në Bordin Udhëheqës.

“Qerimi e ka arsyetuar dorëheqjen e tij në respekt të vendimit të marrë nga Gjykata e Lartë për Kundërvajtje, lidhur me konfliktin potencial të interesit në mbajtjen e dy pozitave publike”, thuhet në njoftim.

“Bordi Udhëheqës e falënderon z. Qerimi për kontributin e dhënë në punën e Bordit”.

“Qerimi gjithashtu e ka njoftuar edhe Kuvendin e Kosovës me vendimin e marrë për dorëheqjen nga Bordi i FKPK-së”, thuhet në fund të njoftimit.