Prishtinë, 13 tetor - Në kuadër të dialogut institucional dhe angazhimit për përmirësimin e kushteve në sektorin ekonomik, përfaqësues të Këshillit të Investitorëve Evropian, janë takuar sot me kryeministrin e Kosovës z. Avdullah Hoti.  

 EIC, ka prezentuar para kreut të qeverisë rekomandimet dhe ekspertizën e anëtarëve për sektorët më të rëndësishëm të zhvillimit ekonomik.

Duke i konsideruar Investimet e Huaja Direkte si katalizator të zhvillimit ekonomik të vendit, dhe pjesë integrale të sistemit ekonomik investitorët evropian do të fokusohen në ofrimin e shërbimeve më të mira dhe ngritjen e mirëqenies ekonomike për të gjithë qytetarët e vendit. Duke krijuar kështu, përmes investimeve të sukseshme standarte me të larta të jetesës.  

Fokus I takimit ishte bashkëpunimi në rimëkëmbjen ekonomike, përkrahjen e bizneseve për tejkalimin e fazës së pandemisë COVID-19, si dhe krijimi I lehtësirave juridike dhe ekonomike në përmirësimin e të të bërit biznes në Kosovë.

Gjatë takimit palët u pajtuan për bashkëpunim në inicativa që ndërlidhen me Investimet e Huaja Direkte, dhe në qasjen proactive të ndryshimeve që inkurarojnë zhvillim ekonomik.

Këshilli i Investitorëve Evropian mori përkrahjen e qeverisë së Republikës së Kosovës për mbështetjen e iniciativave që kontibojnë në krijimin e një klime më të mirë të investimeve në Kosovë.

Po ashtu gjatë takimit EIC informoj që në fund të këtij viti dokumenti strategjik White Book 2020, do t’I prezentohet institucioneve të vendit. Dokumenti do të përfshijë ekspertizën ligjore dhe ekonomike, rekomandimet dhe analizimin e progresit në sektorët kryesor ekonomik.