Kajro, 28 Prill - Një delegacion i bizneseve kosovare i  udhëhequr nga Kryetari i  Odes Ekonomike të  Kosovës  z .Safet  Gërxhaliu  po qëndrojnë në  Egjipt ku së bashku me Ambasadorin e Republikës së  Kosovës në këtë shtet   Beqir Ismaili  takuan dhe vizituan institucione të  rëndësishme  biznesore nga Egjipti .


Me këtë rast Oda Ekonomike e Kosovës  bëri hapa  të  rëndësishëm  në  forcimin e diplomacisë  ekonomike duke nënshkruar  Memorandume të bashkëpunimit  me Oda të rëndësishme të  këtij vendi dhe asociacione të fuqishme biznesore.
 

Pas nënshkrimit të Memorandumit  me Oden Ekonomike të  Kajros  sot u nënshkruan  edhe  Memorandume të  bashkëpunimit  me Oden Ekonomike të Gizës, të Sharki-ës , të Kaljubi-ës  si dhe me Asociacionin më të  madh të   bizneseve  Egjiptiane.

Qëllimi i  këtyre Memorandumeve është avancimi i  bashkëpunimit  ekonomik në mes Kosovës dhe Egjiptit në rend të  parë  tërheqjen  e investimeve nga ky shtet, krijimin e vendeve të reja të punës në Kosove, depërtimi eventual i produkteve made in Kosova në  një treg prej më se 90 milion banor dhe për mes Egjiptit të hapet perspektiv për  tregun Afrikan.

Ambasadori z. Beqir Ismaili theksoi rendësin e diplomacisë ekonomike në të dyja vendet si dhe potencialet ekzistuese të cilat në të ardhmen duhet të shfrytëzohen në interes te të dyja palëve. Po ashtu synimi i  palës  Egjiptiane  është  që Kosova të jetë  një  shtyllë  e urës  ekonomike në mes Egjiptit dhe Evropës.

Gërxhaliu theksoi se duhet të  avancohet  komunikimi reciprok dhe të  promovohen mundësit  e bashkëpunimit si dhe përmirësimi i  imazhit i  të dyja shteteve. Po ashtu në takim me Kryetarët  e Odave të shumta ekonomike të Egjiptit në hotelin InterContinental  në  Kajro u prezantuan  mundësitë  për  investime në Kosovë  si dhe për ambientin biznesor  aktual në Kosovë .

Interesimi i biznesmenëve nga Egjipti ishte mjaft  i  madh  për  Kosovën  ku pati edhe pyetje  të shumta me ç’rast  Ambasadori  z, IsmailI dhe  Kryetari z. Gërxhaliu i  ftuan të pranishmit  për visit në Kosovë me ç’rast do të  njiheni me potencialet që ofron Kosova nga informacione të  dorës  së  pare. Ftesa u pranua me kënaqësi dhe me siguri së shpejti do të kemi edhe vizita nga shtet mik.
 

Një i takim i  veçante  ishte me Guvernatorin e Gizës Prof.Dr. z. Ali Abdurrahman me të cilin u bisedua  për  çështje të  shumta me rëndësi , kjo vizitë e delegacionit nga Kosova u  botua në më se 40 gazeta Egjiptiane.