Prishtinë, 15 shtator - Drejtori i Përgjithshëm i Administratën Tatimore të Kosovës, Sakip Imeri me bashkëpunëtor ka pritur sot në takim Miomir M. Mugosa  Drejtorin e Përgjithshëm të Administrata Tatimore të Malit të Zi, së bashku me bashkëpunëtoret e tij.

Gjatë këtij takimi u diskutua rreth zhvillimeve të fundit në ATK, si dhe mundësin e rritjes së bashkëpunimit mes Administratës Tatimore të Malit të Zi dhe Administratës Tatimore të Kosovës, me qëllim të këmbimit të përvojave në fushën e tatimeve, me theks të veçantë, menaxhimi i rrezikut, si dhe modulet që përdoren për lehtësimin e proceseve të punës.

Në këtë takim Drejtori i ATK-së, Imeri falënderoj Mugosa për vizitën e tij, e cila konsiderohet mjaft frytdhënëse, sa i përket shkëmbimit të përvojave të punës në funksion të ngritjes së vetëdijes të tatimpaguesve për të deklaruar në mënyrë vullnetare obligimet tatimore, pasi që siç tha Imeri, Administrata Tatimore është duke punuar intenzivisht, që të rris nivelin e deklarimit të tatimeve në mënyrë vullnetare.

“Jemi të kënaqur që dy administratat të vazhdojnë bashkëpunimin, me qëllim të ndarjes së përvojave më të mira, drejtë modernizimit të këtyre dy institucioneve shumë të rëndësishme”, tha Mugosa Drejtori i Përgjithshëm i Administratës Tatimore të Malit të Zi.

Gjithashtu, do të mbahet  një  punëtori  për trajtimin e çështjeve të Sektorit bankar dhe  institucioneve financiare.