Prishtinë, 10 qershor - \"Shumë nga bizneset po ankohen se si Doganat po i ngulfatin ato dhe po i zhvatin në veçanti bizneset e ndershme vetëm e vetëm për të kënaqur interesat e oligarkëve, që janë të lidhur me pushtetin\", tha Lutfi Rexhepi, ekspert i Doganave

Bizneset po ankohen se si po ngulfaten dhe po zhvaten nga Doganat në veçanti vetëm e vetëm për të kënaqur interesat e oligarkëve, që janë të lidhur me pushtetin.

Analistët dhe përfaqësuesit e kompanive të dëmtuara shprehin pakënaqësi se përse po hesht ministri i Financave për standardin e dyfishtë, që po e përdor Dogana e Kosovës në trajtimin e operatorëve ekonomikë.

Sipas tyre, Dogana po favorizon paligjshëm disa biznese. Por, këto akuza në adresë të tyre i ka mohuar zëdhënësi i Doganave të Kosovës, Adriatik Stavileci.

Ai për gazetën, \"Kosova Sot\", lidhur me këtë çështje theksoi se Dogana e Kosovës ngulfat biznesin, por vetëm kërkon nga bizneset pagesën e saktë të taksave, të cilat janë të përcaktuara me ligj.

\"Të gjitha raportet ndërkombëtare e kanë vlerë- suar performancën e Doganës së Kosovës, si p.sh. Raporti i Progresit nga Komisioni Evropian\", është shprehur ai.

/Kosova Sot/