Prishtinë, 26 gusht - Sot Dogana e Republikës së Kosovës ka arritur të tejkalojë parashikimet buxhetore dhe të mbledhë mbi 500 milion euro.  

Zëdhënësi i doganave Adriatik Stavileci ka bërë të ditur se Dogana e Kosovës për herë të parë që nga themelimi para 12 viteve ka arritur shifrën rekorde në mbledhje e të hyrave ne fund të muajit gusht, respektivisht me datë 26 gusht është tejkaluar shifra prej 500 milion euro.

Krahasuar me vitin e kaluar, sipas Stavilecit kjo paraqet një rritje të të hyrave,  sepse  në periudhën e njëjtë, të vitit 2010 Dogana kishte mbledhur 432,5 milion euro. Pra ka rritje prej 67.7 milion eurove pasi që deri tani kemi mbledhur saktësisht 500.2 milion. Këto të hyra paraqesin mbi 60% e planit buxhetor.

\'Trendet aktuale të mbledhjës së të hyrave tregojnë se gjatë këtij viti Dogana do të arrijë rekord ne mbledhjen e te hyrave. Deri në fund të vitit ne do të mbledhim 830 milion euro për buxhetin e Kosovës.\"

Stavileci ka thënë së arsyet e kësaj rritje janë të ndryshme duke filluar nga ngritja e kontrollës së qarkullimit të mallrave, luftimin e kontrabandës, aplikimit i metodave moderne te selektiviteti dhe analizës së riskut, Bashkëpunimi ndërkombëtar, shkëmbimet elektronike në para arritje me vendet e rajonit etj.