Prishtinë, 30 nëntor - Dogana e Kosovës ka njoftuar se ka vazhduar me performacën të lartë në mbledhjen e të hyrave, saktësisht sot kemi mbledhur mbi 1 miliard  e 6 milion euro.

Adriatik Stavileci zëdhënës i doganës ka thënë se krahasimi në mes të viteve 2016 dhe 2017 në periudha të njëjta kohore tregon që kemi një rritje prej 6.4 % më shumë, apo shprehur në milion kjo është mbi 60 milion euro më shumë.

Pra gjatë viti 2016 sipas tij dogana në të njëjtën periudhe kishte mbledhur 946 milion euro derisa në këtë periudhë janë mbledhur 1,06 miliard  euro.

"Kjo rritje tregon edhe një herë përkushtim e Doganës në realizimin dhe mbushjen e buxheti gjithashtu kjo rritje tregon se Dogana është një administratë moderne, efikase dhe profesionale gjithashtu e aftë për të u përballuar me të gjitha sfidat ashtu që të Kosova të ketë fonde të mjaftueshme të cilat rikthehen tek qytetarët e Kosovës përmes investimeve", ka thënë Stavileci.