Diskutohet strategjia për ndërmarrjet e vogla dhe të mesme

Sofje, 30 nëntor - Me iniciativë të Zyrës Ballkanike për ndihmë të klasës së mesme në Sofje u organizua konferenca e radhës për hartimin e një strategjie për zhvillimin e biznesit të vogël dhe të mesëm në Ballkan. Të gjitha takimet e deritanishme të punës u zhvilluan nën udhëheqjen e ekspertëve të Dhomës së Zanatçinjve në Koblenc të Gjermanisë. Aktualisht në Zyrën Ballkanike anëtarësojnë 38 organizata nga Bullgaria, Shqipëria, Bosnjë e Hercegovina, Kosova, Maqedonia, Mali i Zi, Moldavia, Rumania, Serbia dhe Kroacia. Ndër ta ka dhoma të zanatçinjve, dhoma tregtar industriale, shoqata dhe asociacione biznesi, shoqata të grave sipërmarrëse nga Evropa Juglindore. Qëllimi është të mbrohen interesat e klasës së mesme. Drejtori ekzekutiv i Zyrës Ballkanike për ndihmë të klasës së mesme Emill Vasillev thekson më shumë hollësi për mbështetjen që i jepet biznesit të vogël.“Përkrahja është në dy drejtime – në nivel ndërmarrjesh dhe në nivel organizatash. Aktualisht punojmë për kualifikimin suplementar të mjeshtërve të profesioneve moderne, si burime alternative energjetike dhe sisteme fotovoltaike, sisteme solartermike dhe veprimtari ekologjike si izolimi i fasadave të godinave. Krahas kësaj punojmë edhe për konsolidimin e organizatave të biznesit të vogël dhe të mesëm dhe për rritjen e autoritetit të tyre. Politikat evropiane në fushën e këtij biznesi duhet të arrijnë deri te ndërmarrjet konkrete, deri te zanatçinjtë. Prandaj është e domosdoshme, që organizatat të jeni të përgatitur, që të ndërmjetësojnë për arritjen e këtyre politikave deri te të interesuarit. Kriza u bë shkak për falimentimin e afro 30 40 mijë firmave të vogla. Për fat të keq politika shtetërore është e orientuar te biznesi i madh. Në këtë sfond biznesi i vogël dhe i mesëm ka shumë probleme 150; vështirë merr kredi bankare, vështirë përballon konkurrenca e zinxhirëve të mëdha të prodhuesve dhe të mallrave kineze. Nuk mjaftojnë specialistë në sferën e shërbimeve si ndreqës të automobilave, ndërtues, të cilët të bëjnë meremetime të mira, elektroteknikë e kështu me radhë. Në ndërmarrjet e vogla dhe të mesme mungojnë kuadro të arsimuara, të cilët të punojnë për avancimin e tyre. Stabiliteti i firmave të vogla në shkallë të madhe varet nga përkrahja e organizatave profesionale. Është e domosdoshme të forcohet edhe kapaciteti i tyre. Zonja Evelina Përvanova udhëheq projekte ndërkombëtare në Dhomën e Zanatçinjve në Koblenc. Ajo shpjegon:“Është mirë, që ndërmarrjet e vogla dhe të mesme të anëtarësojnë në organizata, të cilat kanë çfarë t’u ofrojnë klientëve të tyre. Kuotat për anëtarësim paguhen kundrejt shërbimeve, në sajë të të cilëve ndërmarrja mund të zhvillohet. Për shembull në pothuajse të gjitha shtetet e ish Jugosllavisë organizatat profesionale u ofrojnë anëtarëve të tyre shërbime të kontabilitetit, bëjnë regjistrimin e punëtorëve, llogaritin sigurimet e pensionimit, gjë që lehtëson firmat në punën e tyre. Një shërbim tjetër, që u ofrohet anëtarëve, janë udhëtimet deri te ekspozita dhe panaire, pra atje ku mund të ofrojnë produktet e tyre, të arrijnë kontrata, ose të njihen me novitetet në fushën, që punojnë.”Ka edhe shërbime, që organizatat nuk ofrojnë, sepse kanë të bëjnë me financim, si për shembull shërbime juridike. Në plan të parë del domosdoshmëria e konsolidimit financiar të organizatave dhe e krijimit të fondeve të garancisë, kështu që ndërmarrjet e vogla dhe të mesme të marrin më lehtë kredi.

Diskutohet strategjia për ndërmarrjet e vogla dhe të mesme

Dogana e Kosovës forcon bashkëpunimin me Doganën e Francës

Qeveria subvencionon blerjen e lëndës djegëse për ngrohje për 21,000 familje

Miratohet marrëveshja me Holandën për sigurime shoqërore

BQK po punon në avancimin e rregullave për vlerësimin e pronave të paluajtshme

Guvernatori Ismaili takoi guvernatorë të bankave qendrore botërore

Normalizimi i marrëdhënieve do të zhbllokonte rritjen ekonomike për Kosovën

Kalendari

Siguri

Opinion

Sport

Energjetikë

Bujqësi

Tregti

Industri

Teknologji

Turizëm