Prishtinë, 10 mars - Ministri i Financave dhe Transfereve Besnik Bislimi ka pritur në takim një delegacion të Bankës Botërore, të kryesuar nga ekonomistja e lartë e Bankës Botërore  Stefanie Brodmann, me të cilët ka diskutuar për bashkëpunimin ndërinstitucional, veçanërisht në fushën e reformës së sistemit social në Kosovë.

Me këtë rast, u diskutua edhe për prioritetet e Qeverisë Kurti në lidhje me përmirësimin e sistemit të mbrojtjes sociale, përfshirë përmirësimin e rezultateve të punësimit, si dhe për mundësitë e bashkëpunimit me Bankën Botërore në këto fusha.

Në këtë takim gjithashtu u diskutua edhe për nevojën  e identifikimit të përfituesve të sistemit social, si dhe programeve të tjera për mbrojte sociale dhe shëndetësore.