Prishtinë, 4 dhjetor - Rreth 11 milionë euro të parashikuara në buxhetin e ardhshëm për Policinë e Kosovës do të përdoren për blerjen e dy helikopterëve për nevojat e saj.

“Fillimisht kemi paraparë që të furnizohemi me dy helikopterë të mesëm, dymotorësh. Po e them me dy motorë sepse në ligjet e aeronautikës nuk lejohet të fluturohet përmbi qytete me fluturaken me një motor.\"

\"Me shumën e 11 milionëve ne mund t’i blejmë 2 helikopterë dymotorësh me pajisje dhe mundësi intervenuese”, është shprehur zëvendësministri i Punëve të Brendshme, Ismet Ibishi, për revistën zyrtarë të Policisë.

Sipas tij helikopterët do të ndihmojnë në kontrollimin më të mirë të vijës kufitare dhe një sërë operacionesh të tjera.