Sofje, 14 dhjetor - Bullgaria me prodhimin e brendshëm rreth 30 miliardë euro në vit dhe me një mesatare të të ardhurave prej tre mijë eurove në vit, është shpallur shteti më i varfër në BE.

Klubi i Gazetarëve njoftoi se sipas raportit të Drejtorisë për Statistika të BE-s, Bullgaria dhe Rumania vazhdojnë të jenë shtetet më të varfra në mesin e 28 shteteve anëtare të Bashkimit Evropian.

Statistikat kanë treguar se gjendja e vështirë ekonomike e Bullgarisë ka detyruar 1.5 milionë qytetarë të vendit të emigrojnë nga ky vend, gjë që ka shtuar në masë të madhe shqetësimet për fenomenin e ikjes së mendjeve që i përkasin sektorëve jetik të Bullgarisë.

Sipas këtij burimi, për çdo vit rreth 500 emigrojnë nga Bullgaria. Kjo është në kohën kur shteti i Luksemburgut, Austria dhe Irlanda janë prezantuar si shtete më të pasura të Bashkimit Evropian.