Sofje, 2 nëntor - Sipas të dhënave të agjencive statistikore të vendeve nga Ballkani, rrogat më të larta në regjion janë në Slloveni – 990 euro gjatë muajit korrik e pasuar nga Kroacia me 723 euro, Turqia me 720 euro dhe Rumania me 480 euro.

Malazezët gjatë muajit shtator kanë marrë mesatarisht nga 475 euro, rroga mesatare në Bosnjë e Hercegovinën është 423 euro, kurse në Maqedoni – 393 euro.

Bullgaria është me rrogë mesatare 390 euro dhe është në një nga vendet e fundit. Pas saj janë Shqipëria me 380 euro dhe Serbia me 342 euro rrogë mesatare.