Prishtinë, 19, dhjetor - Business Support Centre Kosovo ka ndarë sot në një ceremoni rasti certifikatat dhe ka shpallur biznes planet me te mira ne kuadër te trajnimeve per ndërmarrësi.

Këto aktivitetet janë financuar nga Qeveria e Mbretërisë se Holandës përmes organizatës SPARK dhe BID Network.

Kësaj radhe BSCK ka organizuar trajnime mbi zhvillimin e karrierës ku janë përfshirë mbi 150 studente  si dhe trajnime te ndërmarrësisë dhe biznesit ku janë trajnuar 70 ndërmarrës nga Prishtina dhe Prizreni.

Besnik Krasniqi, Drejtor ekzekutiv i BSCK-se me ketë rast ka thënë se BSCK –ja është duke i orientuar projektet ne atë qe quhet kërkesë e te rinjve  dhe ky do te jete edhe qëllimi strategjik i BSCK-se, siç janë për shembull zhvillimi i trajnimeve për zhvillim te karrierës, i cili ka qene si reagim ndaj kerkesave qe kane pas te rinjtë tash dhe ne te ardhmen.

“Prandaj do te organizojmë kësi lloje trajnimesh  dhe mundësitë për te rinjtë qe unë konsideroj qe janë unike ne ketë faze kritike edhe te zhvillimit te ideve tuaja edhe te karrierës suaj. Ne i kemi edhe donator te tjerë dhe po punojmë qe te kemi me shume projekte të tilla në të ardhmen. BSCK-ja ka organizuar trajnime mbi zhvillimin e karrierës pre student dhe te sapo diplomuar“, ka thënë Krasniqi.

Këto trajnime, sipas tij kanë përfshirë metodat e përpilimit te një CV-je ,Letër Motivuese dhe shkathtësi për intervista.

Kësaj radhe katër grupe studentesh kane vijuar ketë trajnim dhe atyre sot u janë shpërndarë certifikatat.

Kandidatet qe kane vijuar trajnimin e ndërmarre sisë ne Prishtine dhe Prizren  gjithashtu i morën certifikatat.

Ky projekt ka pasur dy komponentë kryesore - Trajnimet e ndërmarrë sisë dhe biznesit ku kandidatet janë pajisur me shkathtësi te biznesit  dhe ne fund te trajnimeve kane dorëzuar një biznes plan për idetë e tyre.

Komponenti tjetër ka qene e hapur për te gjitha bizneset dhe ndërmarrësit kosovar qe te aplikojnë online me biznes planet e tyre dhe kane pas mundësi te marrin këshilla nga ekspertet vendor dhe ndërkombëtar për tu ndërlidhur ne vazhdim me investitorët ndërkombëtar.

Me ketë rast BSCK ndau dy pako shpërblyese – një kredia deri më 10 mijë euro me kamat 5%, këshilla profesionale falas dhe ndërlidhje me komunitetin e biznesit.

Fituesit e biznes planit me te mire janë Dardan Nallbani, Qendresa Rrecaj, Ideal Mati dhe Qendresa Kastrati.

Romir Shalqini dhe Valbona Raifi janë fitues nga ata që kane aplikuar on line me biznes planet ne gjuhen angleze dhe kanë fituar një udhëtim ne Holandë dhe takime me biznese dhe investitor.

Business Support Centre Kosovo (BSCK) ndihmon studentët e sapo diplomuar dhe ata të diplomuar të fakulteteve të të gjitha universiteteve në Kosovë që të themelojnë ndërmarrje të vogla dhe të mesme (NVM). BSCK ofron trajnime dhe këshilla gjithashtu edhe qasje në mikrokredi për idetë e biznesit që premtojnë më së tepërmi.

Objektivat kryesore të projektit janë: Bashkimi i sektorit të arsimit të lartë me sektorin e biznesit të Kosovës në mënyrë që të plotësohen më mirë nevojat e tregut të punës;  Të kontribuojë në zhvillimin ekonomik të Kosovës; Të përmirësoj tregun regjional dhe klimën e investimeve për tu pranuar në integrimet ekonomike Evropiane.