Britania e Madhe vazhdon te mbështesë Kosovën
Gjate takimit te pare njoftues me kryetarin e Odes Ekonomike të Kosovës, Safet Gërxhaliu, ambasadori O’ Connell ka thënë se është koha kur bashkërisht duhet te orientohemi ne drejtim te zhvillimit ekonomik.
“Kosova ka kaluar fazën e tranzicionit dhe duhet vërtet te behet me tepër ne zhvillimin ekonomik. Unë premtoj se ne mandatin tim do te beje çmos qe këto synime te realizohen dhe do te jam një zë i fuqishëm karshi institucioneve vendore qe te luftohen dukuritë negative dhe vërtetë përmes luftës kundër dukurive negative te përmirësohet ambienti i te berit biznes”.
Ambasadori O’ Connell tha se do te angazhohen që në një të ardhme të afërt t; ketë sa me shume biznese nga vendi i tij ne Kosove.
“Rrugëtimi i Kosovës drejte familjes evropiane duhet te jete i përqendruar jo vetëm në dimensionin politik por edhe në atë ekonomik”, përfundoi ambasadori britanik.
Kryetari Gërxhaliu duke i uruar mirëseardhje ambasadorit O’ Connel tha se pa mëdyshje Britania e Madhe është njeri nder partneret me strategjike te proceseve ne Kosove dhe shprehu falënderimin e OEK-ut për kontributin e këtij shteti mik.
“Është koha kur bashkërisht duhet te drejtohemi ka zhvillimi ekonomik dhe prioritet i prioriteteve te jete ekonomia. Qe te kemi efektet pozitive ne ketë drejtim duhet te kemi sundim te rendit dhe ligjit dhe partneriteti me Britaninë e Madhe është i rëndësisë substanciale për ardhmërinë e Kosovës”, tha kryetari i Odes.
