Prishtinë, 3 shtator - Banka Qendrore e Republikës së Kosovës (BQK), ka njoftuar se për vitin 2015,projeksionet e BQK së sugjerojnë se ekonomia e Kosovës do të  karakterizohet me përshpejtim të rritjes ekonomike, duke shënuar një normë reale të  rritjes së PBB - së prej 3.5 përqind, e  cila pritet të gjenerohet kryesisht nga kërkesa e brendshme.

"Konsumi, si komponenta kryesore e kërkesës së brendshme, pritet që edhe gjatë vitit 2015 të  ketë  kontributin  kryesor në rritjen ekonomike, por me një shkallë   më të vogël krahasuar me vitin paraprak", është thënë në raportin e Vlerësimit Tremujor të Ekonomisë së BQK-së.