Frankfurt, 18 shkurt - Banka Qendrore Evropiane pritet të vendosë sot nëse do të vazhdojë ose jo kreditë emergjente për bankat greke.

Vendimi do të vijë pasi Qeveria e Greqisë ka kërkuar nga parlamenti i saj që të votohet për braktisjen e programit të kursimit të premten.

Të hënën në mbrëmje, Greqia ka refuzuar planin për vazhdimin e ndihmës prej 240 miliardë eurosh nga kreditorët ndërkombëtarë.

Qeveria e Greqisë ka thënë se kushtet e Eurogrupit janë “absurde” dhe “të papranueshme”.

Greqia do që ta zëvendësojë paketën e ndihmës me një kredi të re, e cila, siç thotë, do t’i jepte kohë për të gjetur zgjidhje të përhershme të krizës së borxheve.

Eurokomisioneri për çështjet sociale Valdis Dombrovskis u shpreh në një konferencë shtypi se ekonomia greke ka shënuar rritje dhe më shumë vende të reja pune pas reformës së vështirë, prandaj Greqia duhet të vazhdojë reformat, pasi braktisja e reformave ndikon negativisht në ekonominë dhe shoqërinë e këtij vendi.

 Marrëveshja e ndihmës ekonomike të BE-së për Greqinë skadon më 28 shkurt, ndaj presidenti i Eurogrupit Bloom tha të hënën se Greqia duhet të aplikojë për zgjatjen e afatit të marrëveshjes, para datës 20 shkurt.