Bruksel, 23 mars - Guvernatorët e bankave europiane kanë dhënë sinjale të forta se janë të gatshëm të rrisin normën bazë të interesit në fillim të Prillit, pavarësisht paqartësive që lidhen me situatën në Japoni dhe përpjekjet e Greqisë, Irlandës dhe Portugalisë, për të kontrolluan financat publike.

Ministrat e Financave të Eurozonës kanë përgatitur një marrëveshje mbi Fondin e Sigurisë Financiare në eurozonë, por vendimi përfundimtar do të jepet në këtë fundjavë në takimin e udhëheqësve të Bashkimit Europian.

Udhëheqësit duhet të negociojnë kushtet e normës së interesit të marrëveshjes 85 miliardë euro të ndihmës për Irlandën, si dhe të rrisin fondin e sigurisë europiane.