Frankfurt, 1 maj - Banka Qendrore Evropiane (BQE) vendosi të mbajë normat e interesit të qëndrueshme, në përputhje me pritjet e tregut.

Normat e interesit për operacionet kryesore të rifinancimit, huadhënien marxhinale dhe lehtësirat e depozitave janë 0.00 për qind, 0.25 për qind dhe -0.50 për qind, sipas deklaratës së bankës.

Banka gjithashtu njoftoi se kushtet për operacionet e synuara të rifinancimit afatgjatë (TLTRO III) janë lehtësuar më tej.

"BQE vendosi të ulë normën e interesit për operacionet TLTRO III gjatë periudhës nga qershori 2020 deri në qershor 2021 në 50 pikë bazë nën normën mesatare të interesit në operacionet kryesore të rifinancimit të Eurosistemit që mbizotërojnë për të njëjtën periudhë", thuhet në deklaratë.

Që nga fundi i marsit, BQE ka filluar programin e ri të blerjes së urgjencës së pandemisë (PEPP), që ka një mbulim të përgjithshëm prej 750 miliardë eurosh, për të lehtësuar pozitën e përgjithshëm të politikës monetare dhe për të luftuar rreziqet e rënda për mekanizmin e transmetimit të politikës monetare.

"Këto blerje do të vazhdojnë të bëhen në mënyrë fleksibël me kalimin e kohës, nëpër kategoritë e pasurive dhe midis juridiksioneve", shtohet më tej.

Sipas deklaratës, BQE do të kryejë blerje neto të pasurive nën masat e PEPP derisa të gjykojë se faza e krizës së koronavirusit ka përfunduar, por në çdo rast deri në fund të këtij viti.