Bruksel, 23 qershor - Banka Europiane për Rindërtim dhe Zhvillim (BERZh) po kërkon mundësitë për të bashkëpunuar me Bankën Aziatike të Investimeve Infrastrukturore (BAII).

BERZh-i synon t\'i ofrojë këshilla BAII-së dhe të financojë projekte të përbashkëta infrastrukturore.

Banka europiane mirëpret nisjen e një partneriteti të mundshëm me bankën aziatike, për të ndërthurur pikat e forta të njëra-tjetrës dhe për të filluar projekte shumë më të mëdha.

BERZh-i, i krijuar në vitin 1991, është një bankë shumëpalëshe investimesh zhvillimore që fillimisht u përqendrua në vendet e ish-bllokut sovjetik. Megjithatë, me kalimin e kohës, kjo bankë u zgjerua për të mbështetur zhvillimin në 30 vende, nga Europa deri në Azinë Qendrore.