Prishtinë, 31 janar - Banka Evropiane për Zhvillim dhe Rindërtim është e gatshme që të përkrah projektet në sektorin publik dhe privat, për çka ekziston interesim në Kosovë, u tha gjatë takimit të ministrit të Financave Besim Beqaj me drejtorin e Zyrës së BERZH-it në Kosovë, Anton Kobakov.

Gjatë takimit është diskutuar për projektet potenciale që do të financohen nga huamarrja dhe modalitetet për investimet e nevojshme në hekurudhë, si dhe përfundimin e ndërtimit të rrugëve kryesore, konform mundësisë së shtetit për të huazuar.


Ministri Beqaj shprehu gatishmërinë për të bashkëpunuar gjatë takimeve vjetore si dhe për organizimin e një vizite të Bordit të BERZH-it në Kosovë.

Ministri gjithashtu shprehu interesimin dhe shpalosi kërkesat e bizneseve që të kenë mundësi huazimi në institucionet financiare ndërkombëtare.
 

Drejtori i BERZH-it shprehu gatishmërinë për të mbështetur projekte në sektorin publik dhe privat.