Beqaj njofton BERZH-in dhe BIE-në për projektet e qeverisë
Ministri Besim Beqaj ka njoftuar bankat me projektet të cilat Qeveria është e interesuar t'i realizoj.
Gjatë këtij takimi është diskutuar rreth Magjistrales M9, respektivisht përfundimit të zgjerimit të rrugës Prishtinë-Pejë.
Po ashtu, Beqaj është takuar edhe me zyrtarë të Thesarit të Mbretërisë së Bashkuar. Në këtë takim u bisedua për bashkëpunimin në fushën e planifikimit dhe monitorimit të shpenzimeve të parasë publike.
Konferenca për Promovimin e Investimeve në Ballkanin Perëndimor, organizuar nga Banka Evropiane për Rindërtim dhe Zhvillim në Londër ka tubuar kryeministrat e shtatë vendeve të Ballkanit Perëndimor. Delegacioni i Kosovës është udhëhequr nga kryeministri Hashim Thaçi.
