Dushanbe, 22 maj - Në kuadër  të pjesëmarrjes në takimin vjetor të Bankës Islamike për Zhvillim që po mbahet në kryeqytetin e Taxhikistanit Dushanbe, Ministri i zhvillimit Ekonomik (MZHE), Besim Beqaj sot ka nënshkruar dy marrëveshje me Presidentin e BIZH-it, Ahmad Mohamed Ali.
 
“Marrëveshja e parë parasheh financimin e rrugës M2, përkatësisht rrugën Prishtinë-Mitrovicë ku BIZH do të financojë këtë projekt në shumën prej 20 milionë dollarë, ndërsa tjetra është Marrëveshje Kornizë për bashkëpunim mes Kosovës dhe BIZH-it, e cila i paraprinë anëtarësimit të vendit në këtë institucion financiar”, thuhet në komunikatën e MZHE-së.

Ndryshe në margjinat e takimit të 38 vjetor të BIZH, Ministri Beqaj ka takuar edhe Ministrin e Jashtem të Taxhikistanit, Hamrokhon Zarifi, drejtorin e OFID për rajonin e Azisë, Imhemed Bukader, Nënkryetarin dhe Drejtorin Menaxhues të Fondit Saudit për Zhvillim, Yousef I. Al-Bassam si dhe Khaled M. Al-Aboodi nga Korporata Islamike  për Zhvillimin e Sektorit Privat (ICD).