Moskë, 29 qershor - Këshilli Europian shpalli të mërkurën se ka vendosur të zgjasë sanksionet ndaj Rusisë deri më 31 janar 2018 për shkak se Marrëveshja e Minskut nuk është zbatuar si duhet.

Sanksionet synojnë sektorin financiar, energjetik, të mbrojtjes si dhe fushën e mallrave me përdorim të dyfishtë.

Sanksionet kufizojnë disa kompani ruse dhe filialet e tyre të hynë në tregjet fillestare dhe ato të nivelit të dytë të BE-së, ndalojnë tregtinë e armëve me Rusinë, kufizojnë Rusinë për marrjen e teknologjisë dhe shërbimet në fushët e kërkimit dhe të prodhimit të naftës si dhe ndalojnë eksportin e pajisjeve ushtarake ruse.